Fekkıs

Fekkıs mın'o kırhewık
Saternen wı nefstenık
Mar sur di beno sarjınık
Lyesen cıjon pel tenık

Fekkıs cıt keno erd gupık

Gêyren dım keynaya şenık
Miyın kuen merga nermık
Çadır qul keno gupalık

Fekkıs kısun ken xu vera
Çarneno dêderon ra
Aqıl fıkır yı verar şuero qın ra
Hetonê merg xu nono sera

serdestê peyê betoni

Mı xırrê xo şano qereqelxanê kemeri
Mı'hemed veciyo, qemer be veri
Vano, hero, to rê derd nêbo na dınya de
A dınya de to rê helala keynay (çêna) Omeri

Mı terıkê xo do ra peştia sale
Heq mı rê cenet de biyaro fesale
Na dınya de mı rê heramê, tamaşê (erigê) dilbere
Huriye ke yextê mı di, bena lale

Mı serdeste şano betonê mıbareki
Mı qurban sere bırrnê, cıtê vareki
Dilegê mıno ke axıreta şeriati de
Heta koke tey roni, serê gıpıki


Xalo Têhetkar, 2014